|
|
Scheermherr bi dat fiefte Fulkumer
Straatenfest 1993 weer de "Stimm Ostfreeslands", de Auerker TV- Talkmaster Ewald Christophers. De prominente Scheermherr weer baff: "De Bedeligung is bannig, dat een lüttje
Dörp as Fulkum so een Fest up Beenen stelln kunn, wiest van een intakte un unemehmungsfreidige Dörpgemeenschaft!" In sien Ansprook to dat fiefte traatenfest säh Ewald Christophers,
we sallt weer mehr platt prooten.
|
|
|
In heel Europa stahn de
"lüttje" Volken up. Walisers un Schotten, Slowenen un Rhaeto-Romanen, Lappen un Bretonen strieden föör höör Moderspraak, de se mit alle Macht redden willen. Disse Minsken hebben
alllange insehn, dat’n Volk, dat sien Spraak verlüßt, ook.n Deel van sien Wesen, van sien Hart un Heimat ofgifft. Dat is leep genug, dat sülst hoogstudeerde Lü hier in Düütsland 'n
Mengelmoos van Düüts un Engels proten. Noch leper is't, wenn Düütslands Regionalspraken neet mehr proot un pleegt worden.
Schwaben un Bayern hollen höör Spraken
noch hoog, denn se weten, dat Bayrisch un Schwäbisch nettso wichtig föör de Regionalkultüür bünt as Drachten un Leeder. In Ostfreesland wordt alltied noch mehr Platt proot as in anner
Kuntreien, man wi mutten bedenken, dat uns Kinner vööls to faak de Spraak von Ollen un Grootollen, de Nationalspraak van all Fresen tüskenEems un Werser, neet mitkriegen. Dat wordt seggt:
Wenn du neet weetst, waar du herkummst, dann kannst du neet weten, waar du henmußt; man wenn dien Weeg in Fulken in Ostfreesland stahn het, dann is dien Herkomen, de Geschichte van dien
Familie und dien Tohuus deep un fast in dat ostfreeske Platt verankert. Dat is heel neemoodsk to seggen: " Ik will van jo olle Lokalpatriotismus nix weten. Ik bün Europäer." Man
wel so wat seggt, de is meesttieds alleen mit sien Menen un sien neei "Identität", denn de meesten van uns willen doch lever Ostfresen, Jeverlanners, Butjenters und Ammerlanners
wesen. Wi stahn to Düütsland, wi wünsken de Europa- Fanatikers vööl Glück, man in uns Hart weten wi: "So as de Klock in Huus tickt, tickt de anners nargends.
Ick bün in 'n heel anner Hook van de
WereId upstahn, man mien Hartensspraak is dat ostfreeske Platt. Ik hoop, daft föör Fulken un Ostfreesland ook alltied so wesen sal. Ik frei mi nu al up'n mo oien Dag mit den Fulkeners.
Dr. Marron Fort
|
